Reseı astanasynda jarylys qaýipine baılanysty 10 myńnan astam adam evakýtsııalandy
ASTANA. QazAqparat - Reseı astanasy Máskeýde jarylys bolýy múmkin degen qaýippen Úlken teatr, qalalyq jáne ortalyq saýda úıleri jáne «Metropol» men «Natsıonal» qonaq úıinen adamdar evakýatsııalandy. Bul týraly Interfaks agenttigi habarlady.
Agenttik taratqan málimetter boıynsha, barlyǵy 10 myń adam qaýipsiz aımaqqa kóshirilgen. Tekserý barysynda birde bir jarylǵysh zat tabylǵan joq.
Osyǵan deıin 5 qarashada Máskeýde «Kosmos» kınoteatry, Lenıngrad dańǵylyndaǵy «Aeroport» saýda úıi men «Vysota» kınoteatrynan adamdar evakýtsııalanǵan bolatyn. Sondaı-aq Şýsev atyndaǵy arhıtektýra mýzeıinde de jarylys bolady degen anonımdi habar kelip tústi.
Reseıde jappaı evakýatsııalaý sharalary 2017 jyldyń qyrkúıeginen bastalǵan. Anonımdik qońyraýlardan soń adamdar kınoteatrlar men ýnıversıtetterden, saýda ortalyqtary men ákimshilik ǵımarattardan kóshirildi. Alaıda olardyń eshqaısysynan da qandaı da bir jarylǵysh zat tabylǵan joq.
Reseıdiń Federaldy barlaý qyzmeti qońyraýlardyń shet memleketterden kelip jatqanyn aıtady.
