Reseı astanasynda koronavırýstan taǵy bes adam kóz jumdy
NUR-SULTAN. QazAqparat – Máskeýde jańa koronavırýs indeti dıagnozy qoıylǵan taǵy bes adam qaıtys boldy. Bul týraly QazAqparat TASS agenttigine silteme jasap habarlaıdy.
«Máskeýde pnevmonııa jáne koronavırýs ınfektsııasy dıagnozy rastalǵan bes patsıent kóz jumdy. Egde jastaǵy patsıentterdiń barlyǵynyń sozylmaly aýrýlary bolǵan», - dep habarlady Máskeýde koronavırýspen baılanysty jaǵdaıdy baqylaý jáne monıtorıngileý jónindegi jedel shtab ókilderi.
Shtab ókilderi qaıtys bolǵan patsıentterdiń jasy 61-74 aralyǵynda bolǵanyn habarlady. Olardyń tórteýi ókpeni jasandy jeldetý apparatyna qosylǵan. Burynǵy aýrýlar arasynda kardıoskleroz, gıpertonııalyq aýrý, ókpeniń sozylmaly ótkir derti bolǵan. Úsh naýqas qant dıabetimen aýyrdy. Patsıentterdiń birinde onkologııalyq aýrý boldy», - dep naqtylanady habarlamada.
Jedel shtab Máskeýdiń barlyq turǵyndaryna ózin ózi oqshaýlaý rejımin ustaný qajettiligi týraly taǵy eske saldy.
