Reseı astanasynda koronavırýs juqtyrǵan taǵy 4 adam kóz jumdy
MÁSKEÝ- TASS-QazAqparat – Reseı astanasynda koronavırýs juqtyrǵan jáne sozylmaly dertke shaldyqqan taǵy 4 adam qaıtys boldy, dep habarlaıdy QazAqparat reseılik TASS agenttigine silteme jasap.
Bul týraly Máskeýdegi koronavırýspen baılanysty jaǵdaıdy baqylaý men monıtorıngileý jónindegi jedel shtabtyń Telegram-arnasynan habarlanǵan.
«Máskeýde 4 patsıent qaıtys boldy. Olarǵa «pnevmonııa» dıagnozy qoıylǵan jáne koronavırýs juqtyrǵany da anyqtaldy. Marqumdardyń jasy 76 men 86-nyń aralyǵynda. Olardyń barlyǵy júrek-qantamyrlarynyń sozylmaly dertine shaldyqqan»,-dedi shtab ókilderi.
Sonymen qatar qaıtys bolǵandardyń sozylmaly pıelonefrıt, demikpe, mıdyń sozylmaly ıshemııasy sııaqty aýrýmen aýyrǵandary da belgili boldy. Eki adamda qant dıabeti bolǵan. Patsıentterdiń ekeýi tynys alý apparatyna qosylǵan.
TASS agentiginiń jedel shtab málimetterine silteme jasap habarlaýynsha, Máskeýde osyǵan deıin koronavırýs juqtyrǵan jáne ózge de aýrýlary bar 7 azamat qaıtys boldy. Máskeýde vırýstan qaıtys bolǵandardyń jalpy sany 11 adamdy qurap otyr.
