Reseı astanasynda 85 reıs keıinge qaldyryldy
ASTANA. QazAqparat - Máskeýdegi áýejaılarda qarly burqasyn saldarynan 85 reıs toqtatyldy. Qaladaǵy áýejaılardyń tańǵy onlaın-tablosynda osyndaı málimet jarııalandy.
Sheremetevo áýejaıynda 69 reıs keıinge qaldyrylyp, 2 keshigip jatyr. Domodedovoda 16 reıs toqtatylyp, bireýi keshigýde.
Jaqynda «Aeroflot» avıakompanııasy aýa raıynyń nasharlaýyna baılanysty astanadaǵy Sheremetevo áýejaıynda seısenbi jáne sársenbige josparlanǵan 31 áýe reısiniń keıinge qaldyrylǵanyn jarııa etken bolatyn.
Reseı sınoptıkteri 2 naýryzda Máskeý qalasyna 20 mm qar túsedi dep boljaǵan edi, bul aılyq normanyń 60 paıyzy.
