Reseı astanasyndaǵy meıramhana astynan 10-nan astam adamnyń bassúıegi tabyldy
Reseı astanasy Máskeý qalasynyń batysyndaǵy 1-shi Setýn jolynyń boıynda júrgizilgen qurylys jumystary barysynda 10-nan astam adamnyń qańqasynyń bólikteri tabyldy.
Bul týraly Kazinform reseılik TASS agenttigine silteme jasap habarlaıdy.
«1-shi Setýn jolynyń boıynda júrgizilgen jolasty qurylymdaryn buzýmen baılanysty qurylys jumystary barysynda buryn meıramhana bolǵan jerden 10-nan astam adamnyń denesiniń bólikteri tabyldy»,-dedi agenttiktiń derekkózi.
Máskeý prokýratýrasynyń málimetteri boıynsha, 10 adamnyń bassúıegi men 10-nan kem emes bassúıek fragmentteri 3,5 metr tereńdikten tabyldy.
«Aldyn ala málimetter boıynsha, dene bólikteriniń jatqanyna shamamen 20-30 jyl bolǵan»,-delingen qadaǵalaý vedomstvosynyń baspasóz qyzmeti taratqan aqparatta.
Tergeýshiler tekserip jatyr. Protsessýaldyq tekserýdiń júrgizilý barysy men nátıjeleri Nıkýlın aýdanaralyq prokýratýrasynyń baqylaýynda.
