Reseı astanasynda poıyzdar soqtyǵysyp, keminde 5 adam zardap shekti

Máskeý metropolıtetiniń Lıýblınsk-Dmıtrovsk jelisi boıynsha «Pechatnıkı» metro stansasynda eki poıyz soqtyǵysty, dep habarlaıdy Kazinform Sınhýa agenttigine silteme jasap.

Osy ýaqytta 5 adamnyń - mashınıst pen 4 jolaýshynyń zardap shekkeni bilgili.

Reseı Tótenshe jaǵdaılar mınıstrliginiń ókilderi habarlamada poıyzdardyń soqtyǵysýynan keıin vagondardyń arasyna qysylyp qalǵan tehnıkalyq poıyz mashınısin qutqaryp alǵanyn rastady.

«Mashınıst orta deńgeıde jaraqat aldy, onyń ómirine qaýip tónip turǵan joq. Ózgelerine birshama zaqym kelgen, olardyń densaýlyq jaǵdaılary qanaǵattanarlyq, ómirlerine tónip turǵan qaýip joq. Jaraqat alǵan 5 adam da aýrýhanaǵa jatqyzylyp, qosymsha tekserýler júrgizilip jatyr. Barlyq qajetti kómekter kórsetilýde»,-dep habarlady Máskeý meri Sergeı Sobıanın.

Poıyzdar Máskeý ýaqyty boıynsha saǵat 10:30-da soqtyǵysqan. Depodan jolaýshysyz shyqqan poıyz stantsııada turǵan poıyzdy soqqan.