Reseı Astanadaǵy konferentsııa arqyly óz renishin bildirdi
ASTANA. QazAqparat - Búgin Astandaǵy EKSPO-2017 kórmesi aıasynda turaqty energetıka jónindegi VIII Halyqaralyq forýmy men osy máselege arnalǵan mınıstrlerdiń kezekti konferentsııasy bastaldy. Jıynnyń plenarlyq májilisinde sóz alǵan RF energetıka mınıstri Aleksandr Novak Eýropanyń sanktsııalyq teketirespen tym áýestenip ketkenin jetkizdi, dep habarlaıdy QazAqparat tilshisi.
«Turaqty energetıka jaıynda aıtqanda bizdi alańdatyp jatqan máselelerdi jyly jaba salýǵa bolmaıdy. Menińshe, búgingi konferentsııanyń minberinen olmáselelerdi de kóterý kerek», - deıdi Novak. Onyń aıtýynsha, búginde energııa resýrstaryn jetkizýshi kompanııalar naryǵynda ádiletsiz báselestik barynsha baıqalady. Ondaıda ekonomıkalyq faktordan buryn saıası kedergiler basym bolyp jatady. Al tutynýshylardyń múddesi eskerilmeıdi. «Máselen, Eýropalyq komıssııanyń energetıkalyq máselelerge qatysty ókilettigi kúsheıip keledi. Biz ony anyq baıqap otyrmyz. Ókinishke qaraı, kommertsııalyq kompanııalardyń ózara kelisimine aralasý, mańyzdy ınfraqurylymdyq jobalarǵa eshbir negizsiz ózgeris engizý sııaqty áreketter bar. Bunyń barlyǵy aldymen tutynýshylarǵa keri áserin tıgizip otyrǵany aıdyn anyq», - dep atap kórsetti Novak.
Reseıdiń energetıka mınıstri Eýropa memleketteriniń sanktsııalyq teketireske tym áýestenip ketkeni jaıynda aıtyp otyr. Sonyń saldarynan energııa resýrstaryn jetkizýshi kompanııalar san alýan tosqaýyldar men shekteýlerge tap bolyp jatyr. «Sóz joq, energetıka salasynda geosaıasattyń kúsheıip ketýi turaqty energetıkaǵa keri áserin tıgizýde. Sosyn keıbir energııa kózderin óndirý sharalaryna preferentsııa berý, beıbit atomdy damytýǵa shekteý qoıý ol da ádiletsiz básekelestiktiń bir kórinisi bolsa kerek», - deıdi Novak.
