Reseı áskerıleri 5 maımyl satyp almaqshy
ASTANA. QazAqparat - Reseıdiń Qorǵanys mınıstrliginiń ǵylymı-zertteý ınstıtýttarynyń biri bes makaka - maımylyn satyp alýdy kózdep otyr. Bul týraly reseılik TASS agenttigi habarlady.
Memlekettik satyp alýlar saıtyndaǵy qujattamada maımyldardyń jalpy quny 1,5 mln rýbl dep kórsetilgen.
Tapsyrys berýshi Kırov qalasyndaǵy áskerı mekemeniń 48-shi Ortalyq ǴZI. «Deni saý, 2010-2011 jyly týǵan, atalyqtar. Veterınarlyq kýáligi bolýy tıis», - delingen makakaǵa qoıylatyn talaptar qujatynda.
Instıtýt bir maımyldy 300 myń rýblge baǵalap otyr. Baıqaýǵa qujattar qabyldaý 8 sáýirde aıaqtalyp, aýktsıon 15 sáýirde ótkiziledi.
Eske sala ketsek, naýryz aıynyń basynda Reseıdiń Qorǵanys mınıstrligi 5 afalına - delfınin satyp almaqshy bolǵan. Vedomstvo qajettiligi úshin úsh atalyq, eki urǵashy kıttárizdini satyp alýǵa ashyq baıqaý ótkizý jónindegi aqparat resmı memlekettik satyp alý saıtynda jarııalandy.
Árbir delfınge 350 myń rýbl tólenedi, jalpy somasy 1,75 mln rýbl (8,4 mln teńge shamasynda).
