Reseı áskerı ushaǵy Pentagon men Aq úıdiń ústinen ushyp ótken
ASTANA. QazAqparat - Ashyq aspan kelisimsharty aıasynda RF áýe-ǵaryshtyq kúshteriniń ushaǵy Vashıngton ortalyǵy men Amerıka astanasy aımaǵyn baqylaý ushýyn oryndady.
Ushaq baǵdary boıynsha qorǵanys mınıstrligi, ortalyq barlaýshy basqarma, Kongress jáne Aq úı ústinen ushyp ótýi tıis, dep habarlady CNN.
Amerıkalyq BAQ málimetterinshe, Tý-154M qazir AQSh prezıdenti Donald Tramp eńbek demalysyn ótkizip jatqan Bedmınsterdiń (Nıý-Djersı shtaty) ústinen ushyp ótýi kerek bolǵan. Ushaq Kemp-Devıdte (Merılend) qala syrtyndaǵy amerıkalyq kóshbasshylar rezıdentsııasynyń, Raıt-Petterson (Ogaıo) áskerı bazasy jáne Maýnt-Ýezer (Vırdjınııa) jerasty komandalyq pýnktiniń mańaıynan ótti. Sondaı-aq, Vashıngton túbinde (Merılend shtaty) ornalasqan Endrıýs áskerı bazasynyń ústinen ushty.
Jańa jospardy Reseı jáne AQSh tolyqtaı maquldaǵandyǵyn aqparat agenttigine memlekettik departament ókili málim etti.
Ushaq baǵytyn daıyndaý Amerıka tarapynan júzege asyrylǵan. Ashyq aspan jónindegi kelisimge 1992 jyldyń kókteminde Helsınkıde qol qoıylǵan bolatyn.
