Reseı áskerı soty osy aptada «Krokýs» isi boıynsha 19 aıyptalýshydan jaýap alady
ASTANA. KAZINFORM — «Krokýs Sıtı Holldaǵy» terakt boıynsha qylmystyq is jónindegi memlekettik aıyptaý 149 adam qaza tapqan osy oqıǵaǵa qatysty dálelderdi sotta usynýdy aıaqtap, osy aptada 19 aıyptalýshydan jaýap alýǵa kóshedi. Bul týraly TASS jazdy.
TASS agenttigine 2-Batys okrýgtik áskerı sotynyń kóshpeli otyrysynda ótip jatqan protseske qatysýshylardyń biri habarlady.
«Osy aptada memlekettik aıyptaý dálelderdi usynýdy aıaqtap, 19 sottalýshydan jaýap alýǵa kóshýdi josparlap otyr», dedi agenttiktiń aqparat kózi.
Bul aqparatty TASS-pen áńgime barysynda 127 jábirlenýshiniń múddesin qorǵap otyrǵan advokat Lıýdmıla Aıvar da rastady.
Eske sala keteıik, byltyr naýryzda Máskeýdiń soltústik-batysyndaǵy «Crocus City Hall» kontsert zalynda atys bolyp, kamýflıaj kıgen adamdar oq jaýdyrǵan edi. Saldarynan 149 adam qaza tapty.
Al osy teraktige qatysy bar sheteldikter 15 jylǵa sottalýy múmkin.