Reseı arnaýly qyzmetteri ıAndeksten qazaqstandyqtar týraly derekter ala ma

ASTANA. QazAqparat – Tsıfrlyq damý jáne aeroǵarysh ónerkásibi mınıstrligi Reseıdiń Federaldyq qaýipsizdik qyzmeti Qazaqstandaǵy «ıAndeks. Taksı» derekterin táýlik boıy alyp otyrady delingen aqparatqa qatysty pikir bildirdi, dep habarlaıdy QazAqparat tilshisi.

«Búginde Qazaqstan Respýbılkasynyń azamattarynyń óziniń qalaýymen sheteldik servısterdi derbes qoldanýǵa quqyǵy bar. Degenmen, Qazaqstan Respýblıkasynyń «Jedel izdestirý qyzmeti týraly» Zańynyń 8-babyna sáıkes, jedel izdestirý qyzmetin júzege asyratyn ókiletti organdar Qazaqstan Respýblıkasynyń zańnamalyq aktilerinde belgilengen kommertsııalyq, banktik jáne zańmen qorǵalatyn ózge de qupııalardy quraıtyn málimetterdi jarııa etpeý talabymen ózge uıymdardan jedel izdestirý qyzmeti mindetterin sheshýde mańyzǵa ıe aqparattardy qaıtarymsyz alýǵa jáne paıdalanýǵa quqyly», - delingen mınıstrlik aqparatynda.

Vedomstvonyń atap ótýinshe, mundaı talap búkil elde, onyń ishinde Reseı Federatsııasynda da bar.

Aqparattyq qyzmettiń deregine sáıkes, qazaqstandyq «ıAndeks. Taksı» kompanııasy reseılik arnaýly qyzmet ózderiniń qoldanýshylary derekterin ala alady degen aqparatty joqqa shyǵardy.

«Reseı zańnamasy Qazaqstandaǵy servıske jáne onyń qoldanýshylaryna júrmeıdi. Óıtkeni, olar Reseıden tys jerde sapar jasaıdy jáne qosymshany qoldanady. Bul 1 qyrkúıekten keıin de ózgermeıdi. Qazaqstandaǵy qoldanýshylarǵa ıAndeks Go qyzmetin usynatyn qazaqstandyq «ıAndeks. Taksı korp» JShS qoldanýshylardyń derbes derekterin respýblıka zańnamasyna saı óńdeıdi. Sonymen qatar, derek sýbektileriniń kózdelgen barlyq quqyǵyn qamtamasyz etedi», - dep sendiredi kompanııadan.

Qazaqstandaǵy servıstiń qyzmetimen baılanysty derekter sheteldik (onyń ishinde reseılik) ókiletti memlekettik organdar tarapynan resmı saýal arqyly jáne belgilengen halyqaralyq proedýralar aıasynda ǵana suralýy múmkin.

Buǵan deıin qazaqstandyq Internet qoldanýshylar kompanııanyń domendik paraqshasyna kirý múmkin emestigin atap ótken bolatyn. Osy jaıtqa baılanysty da Tsıfrlyq damý mınıstrligi pikir bildirgen edi.

«Mınıstrlik zań buzýshy domenderdiń jumys isteýine tolyqtaı tyıym salý maqsatyn alǵa qoıyp otyrǵan joq. Bul rette zańnamany buzǵan domenge kirýge ýaqytsha shekteý qoıý tetigi qoldanlady. Júrgizilgen is-sharalardyń nátıjesinde ıAndek kompanııasynan domenin el aýmaǵyna kóshirý merzimin uzartý týraly hat keldi», - dedi mınıstrliktiń baspasóz qyzmetinen.

Sonymen qatar, vedomstvo habarlamasyna qaraǵanda, ıAndeks kompanııasy Qazaqstan zańnamasynyń barlyq talaptaryn oryndaýǵa daıyn ekendigin bildirgen.

«Domenge kirýge ýaqytsha shekteý osy jyldyń 25 shildesindegi mınıstrliktiń saýalyna jaýaptyń usynbaýy saldarynan qoldanyldy», - dedi mınıstrlikten.