Reseı arqyly ótetin mádenı qundylyqtar tasymalyn retteý múmkin bolmaı tur – prokýratýra

NUR-SULTAN. QazAqparat - Mádenı qundylyqtardy zańsyz shyǵarǵandarǵa qatysty jeke bap qarastyrylmaq. Bul týraly QR Bas prokýrorynyń orynbasary Marat Ahmetjanov aıtty.

«Zań jobasyna QR aýmaǵynan mádenı qundylyqtardy zańsyz shyǵarǵany úshin jaýapkershilik júkteledi. Reseı men Qazaqstan shekarasyndaǵy kedendik baqylaýdy ońtaılandyrý nátıjesinde týyndaǵan qıyndyqtardyń kesirinen eki aradaǵy mádenı qundylyqtardyń zańsyz tasymalynyń naqty aýqymyn anyqtaý múmkin bolmaı otyr. Reseılik áriptesterimiz biz usynyp otyrǵan bapty ózderinde engizip qoıǵan. Endi biz de qabyldap, birlesip áreket etýimiz kerek» - dedi ol Ortalyq kommýnıkatsııalar qyzmetinde ótken baspasóz máslıhatynda.