Reseı arqyly Eýropaǵa bıdaı eksporttaý kólemin ulǵaıtamyz - AShM
ASTANA. KAZINFORM – Aýyl sharýashylyǵy mınıstriniń orynbasary Azat Sultanov Qazaqstan men Reseı premer-mınıstrleriniń kelissóz qorytyndysy týraly BAQ-qa málimet berdi.
- Qazaqstan Reseı Federatsııasynyń aýmaǵy arqyly Eýropa elderine bıdaı men basqa da aýyl sharýashylyǵy ónimderin jetkizýdi ulǵaıtýǵa nıetti, - degen vıtse-mınıstr ekijaqty kelissózde osy másele de talqylanǵanyn aıtty.
Sondaı-aq, ol keıbir óńirlik deńgeıdegi epızotıkalyq shekteýlerge baılanysty Qazaqstannan et eksporttaýǵa qoıylǵan shekteýlerdi ishinara alyp tastaý týraly ýaǵdalastyq ornatylǵanyn aıtty.
- Qazaqstandaǵy epızootııalyq jaǵdaıǵa baılanysty osyǵan deıin Reseı tarapy et ónimderin kirgizýge shekteý qoıǵan bolatyn. Búgingi tańda reseılik áriptesterimizben kelisimge kelip, ońtústik jáne shyǵys-ońtústik aımaqtarynan ol shekteýdi alyp tastadyq. Qazir jalpy Qazaqstan aýmaǵy boıynsha shekteýdi alyp tastaý jóninde jumys júrgizip jatyrmyz, — dedi Azat Sultanov.
Sonymen qatar, Oljas Bektenov Reseı kompanııalaryn ınvestıtsııalyq jobalarǵa belsendi atsalysýǵa shaqyrdy.