Reseı arhıvterindegi Qazaqstandaǵy asharshylyqqa qatysty qupııa qujattar jınaq bolyp shyǵady
«Bıyl Reseı Federatsııasynyń Federaldy arhıvi men Ortalyq memlekettik arhıv qujattary negizinde «Golod v Kazahstane ı Rossıı» (joba) atty qujattar jınaǵyn shyǵarý josparlanýda. Jınaqqa qupııa belgisi alynǵan 400 qujat kiredi», - delingen jaýapta.
Úkimet basshysynyń atap ótýinshe, arhıv isi salasyndaǵy halyqaralyq yntymaqtastyqty damytý aıasynda Armenııa, Ázerbaıjan, Belarýs, Iran Islam Respýblıkasy, Qytaı Halyq Respýblıkasy, Lıtva, Egıpet Arab Respýblıkasy, Mońǵolııa, Polsha, Reseı Federatsııasy, Túrkııa, Ýkraına, Fınlıandııa, Estonııanyń tıisti memlekettik organdarymen, sonymen birge Amerıka Qurama Shtattarynyń Holokost Memorıaldy mýzeıimen 17 kelisim men memorandýmǵa qol qoıyldy.
«Sonymen birge Bilim jáne ǵylym mınıstrligi 2020-2022 jyldarǵa arnalǵan granttyq qarjylandyrý aıasynda muraǵat qujattarynyń jınaqtaryn, sheteldik reıtıng basylymdaryndaǵy maqalalardy basyp shyǵarýdy josparlaýda. Bul jumystar asharshylyqtyń tolyq ashylmaǵan betterin zertteýge úles qosady. Sondaı-aq mınıstrlikpen 2021-2023 jyldarǵa arnalǵan baǵdarlamalyq-nysanaly qarjylandyrý aıasynda jarııalanǵan konkýrsta «HH ǵasyrdyń 20-30 jyldaryndaǵy Qazaqstandaǵy asharshylyq: pánaralyq zertteýlerdiń jańa tájirıbesi men nátıjeleri» taqyrybyndaǵy tehnıkalyq tapsyrma ázirlendi», delingen jaýapta.
