Reseı-Anglııa matchyndaǵy jankúıerler qaqtyǵysyn ÝEFA beıjaı qaldyrmaıtyn boldy
ASTANA. QazAqparat - Eýropalyq fýtbol qaýymdastyǵy odaǵy (ÝEFA) senbi Reseı men Anglııa qurama komandalary arasyndaǵy Eýropa chempıonatynyń matchy ótken Marsel stadıonynda bolǵan reseılik jankúıerlerdiń áreketin beıjaı qaldyrmaıtyn boldy, dep jazady VVS.
Oıynnan keıin ondaǵan reseılik jankúıer aǵylshyn jaqqa minberge basyp kirip, olardyń týyn julyp tastamaq bolǵan. Olar brıtandyqtarǵa belgisiz zattar laqtyrǵan. Kýáler minberde faıerdiń jarylǵanyn málimdedi.
Janjal arnaıy qyzmetkerler aralasqannan keıin toqtady.
Reseı sport mınıstri Vıtalıı Mýtko aǵylshyn men reseılik jankúıerler minberi arnaıy býferlik aımaqpen bólinbegenin aıtty.
«ÝEFA bizge aıyppul salady, túsinemin. Jankúıerler ózderin durys ustamady. Olar bizdiń top pa, álde ózderi bılet alyp kirgender me, sony anyqtaımyz. Uıymdastyrylýy joǵary deńgeıde bolmady. Eki jaqty bólý qajet edi, olqylyqtar baıqalyp turdy», - dedi Mýtko RIA Novostıge bergen suhbatynda.
