Reseı alǵash bolyp ǵaryshta tútik tárizdi organdardy basyp shyǵarmaqshy
ASTANA. KAZINFORM – 4D-bıobaspasyn qoldaný arqyly jasalatyn eksperıment 2024 jyly alǵash ret Halyqaralyq ǵarysh stantsııasynyń (HǴS) bortynda júzege asyrylmaqshy. Eksperıment barysynda tútik tárizdi organdardyń ekvıvalentin alý josparlanǵan, dep habarlaıdy Kazinform TASS agenttigine silteme jasap.
– Ústimizdegi jyldyń naýryz aıynda HǴS bortyna betinde jasýsha qabaty bar biregeı sıntetıkalyq materıaldy kıývet jetkiziledi. Magnıttik bıoprınter ishindegi mıkrogravıtatsııa pishindi este saqtaý áserinen jalpaq plastına tsılındrge aınalady. Bul jaǵdaıda jasýshalyq materıal tsılındrdiń ishinde birkelki jabyq qabatty qurýy kerek. 4D bıoprınter tehnologııasy tútikti organ balamasyn alýǵa múmkindik beredi. Ǵarysh keńistiginde 4D bıoprınter tehnologııasyn qoldanatyn mundaı eksperıment álemde birinshi ret ótkizilmek, - dedi Roskosmos ǵaryshkerler otrıadynyń komandıri Oleg Kononenko.
Materıaldar pishinin este saqtaý effektisin qoldanatyn 4D-bıoprınter tehnologııasyn Máskeý ulttyq ǵylym jáne tehnologııa ınstıtýnyń mamandary oılap tapty.
– Magnıttik bıoprınter halyqaralyq ǵarysh stantsııasyna menimen birge 2018 jyldyń jeltoqsan aıynda keldi. Men ǵaryshta bıofabrıkatsııalyq tájirıbeler júrgizgen alǵashqy astronavt boldym. Bul tyshqannyń qalqansha bezi men adamnyń shemirshek tininiń úsh ólshemdi tindik ınjenerlik qurylymdaryn jasaý boıynsha biregeı eksperıment boldy. Mundaı zertteý buryn nóldik gravıtatsııa jaǵdaıynda júrgizilmegen. Budan da kúrdeli geometrııalyq qurylymdardy jasaý, ásirese tsılındrlik pishindi qurý – tehnologııanyń odan ári damýyn kórsetedi, - dep tolyqtyrdy O.Kononenko.
