Reseı álem chempıonatynyń logotıpin ǵaryshtan tanystyrdy
ASTANA. QazAqparat - Fýtboldan 2018 jyly Reseıde ótetin álem chempıonatynyń uıymdastyrý komıteti dop dodasynyń logotıpin resmı túrde jarııalady. Logotıptiń alǵashqy sýreti jurtshylyqqa Halyqaralyq ǵarysh stantsııasynan arnaıy kórsetilim arqyly tanystyryldy, dep jazady massaget.kz sheteldik BAQ-qa siltememen.
Logotıpti tanystyrýǵa arnalǵan saltanatty kesh «Keshkilik Ýrgant» baǵdarlamasynda ótti. Syıly qonaqtar qatarynda Halyqaralyq fýtbol qaýymdastyqtary odaǵynyń (FIFA) prezıdenti Iozef Blatter, Reseı eliniń sport mınıstri Vıtalıı Mýtko jáne 2006 jyly Italııa quramasymen álem chempıonatyn jeńip alǵan Favıo Kannavaro boldy. Logotıp qalyń kópshilik nazaryna alǵash ret usynyldy.
Aıta keteıik, tórt jyldan keıin tórtkúl dúnıe kóz tiger dúbirli doda Reseıdiń 11 qalasynda ótedi. Stadıondar sany 12-ni quraıdy. Qazirgi tańda reseılikter jańa stadıondar salyp, daıyndyqtaryn shyńdap jatyr.
