Reseı Afrıkaǵa 20 mıllıard dollar qaryzyn keshirdi
ASTANA. 18 qazan. QazAqparat - Reseı afrıka elderiniń 20 mıllıard dollardan astam qaryzyn keshirdi, dep habarlady Reseıdiń Jańalyqtar agenttigi.
RF SІM Halyqaralyq uıymdar departamentiniń dırektory Vladımır Sergeevtiń málimdeýinshe, Reseı sondaı-aq Búkilálemdik banktiń qoryna eń kedeı elder úshin 50 mıllıon dollar saldy, aqsha Afrıkanyń sýbsaharalyq óńirin damytýǵa jumsalatyn bolady. Budan basqa, RF 2008-2012 jyldar aralyǵynda Búkilálemdik banktiń damýshy elderde, sonyń ishinde Afrıkany qosa alǵanda bilim sapasyn arttyrý boıynsha baǵdarlamasyna 42,9 mıllıon dollar baǵyttady.
Sergeev Reseıdiń JQTB, týberkýlez jáne bezgek aýrýlaryna qarsy kúrestiń ǵalamdyq qoryna erikti jarnasy 100 mıllıon dollarǵa jetkenin qosyp ótti. 2011 jyly Reseıdiń Búkilálemdik banktiń Afrıkadaǵy bezgek aýrýyn qadaǵalaý boıynsha baǵdarlamasyn oryndaýǵa qosqan 20 mıllıon dollary tolyǵymen ótelip bitti. Budan bir jyl buryn osyndaı maqsattarǵa Dúnıejúzilik densaýlyq saqtaý uıymynyń uqsas baǵdarlamasyna 4 mıllıon dollar bólingen edi.
Sergeevtiń aıtýynsha, «damý úshin qaryzdy aıyrbastaý» baǵdarlamasynyń aıasynda sondaı-aq Zambııamen jáne Tanzanııamen damý jobalaryn qarjylandyrý úshin qaryzdardy paıdalaný týraly kelisimder jasaldy. «Osyǵan uqsas kelisimder sondaı-aq Benın, Mozambık jáne Efıopııamen júrgizilýde», - dedi dıplomat.
