Reseı 31 tamyzǵa deıin benzın eksportyna tyıym saldy
ASTANA. KAZINFORM – Reseı úkimeti 2025 jyldyń 31 tamyzyna deıin munaı ónimderin óndirýshiler úshin benzın eksportyn ýaqytsha shekteý týraly sheshim qabyldady. Bul týraly mınıstrler kabınetiniń Telegram-arnasyndaǵy habarlamada aıtylǵan. Buǵan deıin sheshim óndirýshi emes kompanııalarǵa ǵana qatysty bolatyn, dep habarlaıdy TASS.
Mınıstrler kabıneti Reseı úkimeti munaı ónimderin óndirýshilerge benzın eksportyna shekteýdi 2025 jyldyń 31 tamyzyna deıin uzartqanyn málimdedi. Tıisti qaýlyǵa qol qoıyldy.
Sondaı-aq mundaı shara suranys joǵary ýaqytta jáne aýylsharýashylyq dala jumystary kezinde ishki otyn naryǵyndaǵy turaqty jaǵdaıdy bekitý úshin qabyldanǵanyn qosty.
Qaýly mátininde tyıym salý «(qujat) resmı jarııalanǵan kúnnen keıin bir kún ótken soń» 29 shildede kúshine enetini jazylǵan.
Buǵan deıin TASS aqparat kózderine silteme jasap, vedomstvolar 1 tamyzdan bastap óndirýshiler úshin benzın eksportyna tyıym salý týraly sheshim ázirlep jatqanyn habarlaǵan. Ol kezde 1-2 aıǵa shekteýler engizý arqyly nusqalar qarastyrylyp jatqan bolatyn.
Benzın eksportyna shekteý tamyz aıynyń sońyna deıin óndirýshi emes kompanııalarǵa ǵana qatysty bolady.
Reseı premer-mınıstriniń orynbasary Aleksandr Novak buǵan deıin úkimet qajet bolǵan jaǵdaıda benzın eksportyna, onyń ishinde óndirýshilerge de tolyq tyıym salýy múmkin ekenin habarlaǵan. Mundaı sharanyń qajettiligin túsiný úshin agenttikterge janarmaı naryǵyndaǵy jaǵdaıdy baǵalaý kerek boldy.
Buǵan deıin Qazaqstanda benzın, dızel jáne avtogaz baǵasy qandaı ekenin jazǵan bolatynbyz.