Reseı 100 gramnan asatyn altyn quımalaryn elden shyǵarýǵa tyıym saldy
ASTANA. KAZINFORM – Reseı prezıdenti Vladımır Pýtın 100 gramnan asatyn affınırlengen altyn quımalaryn elden shyǵarýǵa tyıym salý týraly jarlyqqa qol qoıdy, dep habarlaıdy TASS.
Qujat resmı quqyqtyq aqparat ınternet-portalynda jarııalanǵan.
— 2026 jylǵy 1 mamyrdan bastap Reseı Federatsııasynan jeke tulǵalarǵa, zańdy tulǵalarǵa jáne jeke kásipkerlerge jalpy salmaǵy 100 gramnan asatyn affınırlengen altyndy quıma túrinde áketýge tyıym salynsyn, — delingen jarlyqta.
Sonymen qatar qujatta birqatar erekshelikter qarastyrylǵan. Atap aıtqanda, altyn quımalaryn Eýrazııalyq ekonomıkalyq odaq (EAEO) elderine shyǵarý Vnýkovo, Sheremetevo, Domodedovo jáne Knevıchı halyqaralyq áýejaılary arqyly, Reseıdiń Federaldyq probırlik palatasynyń (FPP) arnaıy ruqsaty bolǵan jaǵdaıda júzege asyryla alady.
Sondaı-aq EAEO-ǵa kirmeıtin elderge de belgili bir jaǵdaılarda altyn áketýge ruqsat beriledi. Bul úshin de atalǵan áýejaılar arqyly ótip, FPP-nyń ruqsat qujatyn alý qajet. Buǵan qosa, zańdy tulǵalar men jeke kásipkerlerge EAEO-ǵa múshe emes memleketterge altyn quımalaryn shyǵarýǵa qatysty jekelegen jeńildikter qarastyrylǵan.
Aıta keteıik, Reseıden Qaraǵandyǵa ákelingen qyzanaqtan vırýs anyqtaldy.
