Reseı 10 000 danamen BRIKS-tiń estelik banknotyn shyǵardy

ASTANA. KAZINFORM — Vladımır oblysyndaǵy Kırjach baspahanasynda 10 myń dana taralymmen BRIKS-tiń estelik kádesyı banknoty basyldy, dep habarlaıdy RIA Novostı. 

Sımvoldyq banknot jasaý ıdeıasy BRIKS-tiń negizgi qundylyqtary – kóppolıarlyq, teńdik jáne strategııalyq seriktestikti kórneki túrde kórsetý áreketi retinde týyndaǵan.

200 nomınaldaǵy banknotta odaqtyń negizin qalaýshy elder – Reseı, Brazılııa, Úndistan, Qytaı jáne Ońtústik Afrıkany beıneleıtin qustar, sondaı-aq odaq quramyna kiretin memleketterdiń týlary beınelengen. Banknot tujyrymdamasy alǵash ret 2024 jyldyń qazan aıynda usynyldy, al onyń resmı tusaýkeseri 2025 jyly Sankt-Peterbýrg halyqaralyq ekonomıkalyq forýmynda ótti.

BRIKS búginde 10 memleketti biriktiredi: Brazılııa, Reseı, Úndistan, Qytaı, Ońtústik Afrıka, BAÁ, Iran, Egıpet, Efıopııa jáne Indonezııa. Uıym keńeıtilgen ekonomıkalyq yntymaqtastyq arqyly óz músheleriniń halyqaralyq ustanymdaryn nyǵaıtýǵa umtylady.

Eske sala keteıik, Qazaqstan BRIKS Sammıti aıasynda ekologııalyq jáne gýmanıtarlyq basymdyqtaryn belgilegeni jaıly jazǵan edik.