RES 2026 sammıti: Astanaǵa birqatar el basshylary keldi
ASTANA. KAZINFORM – Elordada ótetin RES 2026 halyqaralyq ekologııalyq sammıtine qatysý úshin birqatar memleket basshylary men úkimet ókilderi Qazaqstanǵa keldi, dep habarlaıdy QR Úkimetiniń baspasóz qyzmeti.
Sharaǵa Ózbekstan Prezıdenti Shavkat Mırzıeev, Ázerbaıjan Premer-mınıstri Álı Asadov jáne Grýzııa Prezıdenti Mıhaıl Kavelashvılı qatysady. Sammıt 22-24 sáýir aralyǵynda ótedi.
– Halyqaralyq RES 2026 ekologııalyq sammıti aıasynda memleketter arasyndaǵy ekologııalyq yntymaqtastyqty nyǵaıtý jáne turaqty damý máseleleri talqylanady, – delingen resmı aqparatta.
Aýqymdy is-shara barysynda qorshaǵan ortany qorǵaý, klımattyq ózgeristerge qarsy is-qımyl jáne «jasyl» tehnologııalardy damytý baǵyttary kún tártibine shyǵarylady.
Aıta keteıik, cammıt aıasynda RES 2026 EXPO kórmesi jáne Prezıdent Qasym-Jomart Toqaevtyń tóraǵalyǵymen Halyqaralyq Araldy qutqarý qorynyń quryltaıshy memleketter basshylarynyń keńesi ótedi.