Repýtatsııasy tekserilmegen advokattar salamyzǵa kirip ketip jatyr - Qaýymdastyq tóraǵasy
«Advokat mártebesiniń ósýine ne áser etedi? Birinshiden, tolyqqandy jumys istemeıtin nemese zańǵa qosymsha aktilermen retteletin normalar bar. Mysaly, advokattyń qoljetimdi bolýyn shekteıtin túrli vedomstvoaralyq buıryqtar men nusqaýlyqtar bar.
Sondaı-aq advokattardyń qorǵaýyndaǵy adammen qylmystyq atqarý júıesiniń mekemelerinde kezdeskeni úshin tólenetin ótemaqysy zańǵa qosymsha normalardyń kesirinen tolyq oryndalmaı jatady. Bizdiń tájirıbemizde advokattar kásibı qyzmeti kezinde kedergilerge jıi tap bolady. Al kedergi keltirýshini jaýapkershilikke tartý tetigi jumys istemeıdi», - dedi qaýymdastyq tóraǵasy.
Onyń málimeti boıynsha, 30 jylda advokat qyzmetine kedergi keltirgeni úshin birde-bir adam jaýapqa tartylyp kórmegen.
«Sondaı-aq advokat qyzmetine kedergi keltirýdiń ákimshilik jaýapkershiligi de joq. Tek advokattyń suraý salýyna baılanysty jaýapkershilik qana bar.
Búgingi tańda advokat qyzmetine kedergi keltiretin áreketterdi memleket yntalandyryp otyrǵandaı áser bar. Bizde qorǵaýshy bolýǵa laıyqsyz mamandardyń advokat qyzmetine qol jetkizýimen baılanysty problema bar. ıAǵnı, repýtatsııasy tekserilmeıdi. Ádilet mınıstrligi emtıhandardy ákimshilendirgisi keledi. Biraq sonyń ózinde bizdiń salaǵa qandaı mamandar kirip jatqanyn eshkim baqylap otyrǵan joq. Al álemde halyqaralyq advokattar qaýymdastyǵynyń standarttary bar», - dedi Aıdyn Bıkebaev.
