Republic Day jáne Bereke Fest: Respýblıka kúnine oraı saýda nysandary 50%-ǵa deıin jeńildik usynady
ASTANA. KAZINFORM - Qazaqstanda satyp alýshylarǵa azyq-túlik jáne azyq-túlik emes taýarlardyń keń assortımentine jeńildikter men arnaıy baǵalar usynatyn Republic Day jáne Bereke Fest respýblıkalyq aktsııalary júrip jatyr.
QR Saýda jáne ıntegratsııa mınıstrligi baspasóz qyzmetiniń habarlaýynsha, Republic Day aktsııasyna 232 saýda-oıyn-saýyq ortalyǵy, saýda ortalyǵy men saýda úıi qosyldy. Al Bereke Fest aktsııasyna 417 saýda jelisi qatysýda. Eki aktsııa da elimizdiń barlyq óńirin qamtıdy.
Aktsııalar aıasynda taýarlardyń ártúrli sanattaryna arnaıy usynystar qarastyrylǵan. Jeńildikter mólsheri men aktsııalarǵa qatysý sharttary naqty taýar túrleri men saýda nysandaryna baılanysty. Jekelegen taýarlarǵa 50%-ǵa deıin jeńildik usynylady.
Eki aktsııa ishki saýdanyń ártúrli formattaryn qamtıdy. Republic Day - saýda-oıyn-saýyq ortalyqtaryna, saýda ortalyqtary men saýda úılerine baǵyttalsa, Bereke Fest aktsııasy saýda jelilerin qamtıdy. Mundaı tásil merekelik naýqannyń aýqymyn keńeıtip, kásipkerlerdiń aktsııalarǵa qatysýyna qosymsha múmkindik beredi.
Aktsııalarǵa qatysatyn saýda nysandarynyń tolyq tizimi men mekenjaılary óńir ákimdikteriniń resmı ınternet-resýrstarynda jarııalanǵan.
Osyǵan deıin Respýblıka kúnine oraı uıymdastyrylǵan Republic Day jáne Bereke Fest respýblıkalyq aktsııalaryna 232 saýda-oıyn-saýyq ortalyǵy, saýda ortalyǵy men saýda úıi, Bereke Fest aktsııasyna 417 saýda jelisi qatysyp jatqany týraly jazdyq.
