Repertýarlyq saıasat basqarmasy teatrlardaǵy sapasy tómen repertýarlardy elep-eksheıdi
ASTANA. QazAqparat - QR Mádenıet jáne sport mınıstrliginiń qurylymyndaǵy repertýarlyq saıasat basqarmasy oblystyq teatrlardyń sapasy tómen repertýarlaryn elep-eksheıdi. Búgin Ortalyq kommýnıkatsııalar qyzmetindegi baspasóz máslıhatynda M. Lermontov atyndaǵy memlekettik akademııalyq orys drama teatrynyń dırektory ıÝrıı ıAkýshev osylaı málim etti.
«Repertýarlyq saıasat bólimi bólim teatrlarda, ásirese, oblystyq teatrlardaǵy sapasy tómen dramatýrgııaǵa tıisti tosqaýyl qoıý úshin jumys isteıdi. Oblystyq teatrlar ákimdik tarapynan qarjylandyrýǵa táýeldi, sondyqtan olarǵa ne kórsetý kerektigi jaıynda nusqaýlar berilip keldi. Sahnaǵa jaqyn týystarynyń atyn shyǵaratyn spektaklder nemese elimizge, sondaı-aq oblysqa qatysty mán-mańyzy joq oqıǵalar shyǵarylyp júrdi. Sáıkesinshe, bul teatrǵa mádenı zalal ketiredi»,-dedi ol.
Óz kezeginde Q.Qýanyshbaev atyndaǵy memlekettik akademııalyq qazaq mýzykalyq drama teatrynyń kórkemdik jetekshisi Talǵat Temenov áriptesiniń sózin quptady.
«Mınıstrlik qurylymynda osyndaı bólim bar bolǵany óte durys, ıaǵnı olar oblystyq teatrlarǵa durys baǵyt bere alady»,-dedi ol.
