Reper Prodigy qaıtys boldy
ASTANA. QazAqparat - Prodigy laqap atymen álemge tanylǵan amerıkalyq mýzykant-reper Albert Djonson seısenbi kúni Las-Vegasta qaıtys boldy. Bul týraly TASS agenttigi habarlady.
Prodigy 1990 jyldary reper Havoc-pen birge Mobb Deep dýetiniń quramynda óner kórsetip, keń tanymaldylyqqa ıe boldy. Atalmysh toptyń Shook Ones Pt. II kompozıtsııasy «hard-kor rep» janryndaǵy belgili týyndylardyń biri sanalady.
«42 jastaǵy Prodigy birneshe kún buryn Mobb Deep kotsertinen keıin anemııanyń asqynýy saldarynan aýrýhanaǵa túsken edi, - delingen ánshiniń baspasóz-agentiniń málimetinde. - Kóptegen jankúıerler onyń bul syrqatpen týylǵaly beri kúresip kelgendigin biledi. Degenmen, onyń óliminiń naqty sebebi ázirge beımálim».
Foto: ©Flickr/Vicious Productions
