Reper Morgenshtern Qostanaı oblysyna gýmanıtarlyq kómek jibermekshi

ASTANA. KAZINFORM – Tanymal reseılik oryndaýshy Morgenshtern (shyn aty Álisher Morgenshtern) áleýmettik jelide Qazaqstanǵa, atap aıtqanda Qostanaıǵa gýmanıtarlyq kómek jiberetinin málimdedi.

Jazba Telegram kanaly men Instagram jelisinde jarııalandy.

«Qazaqstanǵa, atap aıtqanda Qostanaıǵa gýmanıtarlyq kómek tıelgen júk kóligi bara jatyr», - dep jazdy ánshi.

Ol sondaı-aq onyń qory Orsk qalasyndaǵy sý tasqynynan zardap shekkenderge kómektesetinin aıtty.

Esterińizge sala keteıik, Qostanaı sý tasqynymen kúresip jatyr. Bıylǵy 28 naýryzynan bastap Amangeldi, Jangeldi aýdandary men Arqalyq qalasynda tótenshe jaǵdaı rejımi engizildi. Sondaı-aq, Qarasý, Qostanaı oblysy men Qostanaı aýdanynda tótenshe jaǵdaı engizildi.

Oblys ákimdigi aýdan turǵyndaryna keltirilgen shyǵyndy óteýge ýáde berdi. Qazirdiń ózinde baǵalaý komıssııasy keltirilgen shyǵyndy eseptep jatyr.

Keıin oblystyń taǵy 14 aýdanyna qaýip tónip turǵany belgili boldy. Sonymen, sý basqan aýmaqtar tizimine Naýryzym, Qarasý aýdandary men Rýdnyı qalasy kirdi.

Sý tasqynymen kúresýge arnaıy qyzmet ókilderi ǵana emes, múddeli azamattar da kómektesýde.

Sondaı-aq messendjerlerde bóget buzyldy degen feık taralyp jatqany belgili boldy. Jedel shtab bul aqparatty joqqa shyǵardy.