Reper Dogg 2026 jylǵy Olımpıada oıyndarynda AQSh quramasynyń qurmetti jattyqtyrýshysy boldy

ASTANA. KAZINFORM – Amerıkalyq reper Snýp Dogg 2026 jylǵy qysqy Olımpıada oıyndarynda QSh quramasynyń qurmetti jattyqtyrýshysy bolyp taǵaıyndaldy, dep habarlaıdy Kazinform.

Halyqaralyq Olımpıada komıtetiniń (HOK) saıtynda habarlanǵandaı, bul álemdegi eń bedeldi qysqy sport jarystaryna qatysatyn amerıkalyq olımpıadashylar men paralımpıadashylardy qoldaý jáne shabyttandyrý úshin qurylǵan erikti laýazym.

Osylaısha, reper ulttyq qurama sportshylaryna armandaryn júzege asyrýǵa jáne ultty shabyttandyrýǵa kómektesetin AQSh Olımpıada komıtetiniń qyzmetkerleri, jattyqtyrýshylary, medıtsınalyq sarapshylary, ákimshileri jáne seriktesteriniń jelisine qosylady. 

- Naǵyz juldyzdar – bul AQSh quramasyndaǵy sportshylar, al men olardy qoldaý jáne múmkin syrttan azdap danalyqpen bólisý úshin keldim. Bul komanda sporttyń eń jaqsy jaqtaryn beıneleıdi: talant, adaldyq jáne tabandylyq. Eger men buǵan kóbirek mahabbat pen yntalandyrý ákelsem, bul men úshin jeńis bolady, - dedi Snýp Dogg.

2024 jylǵy Parıjdegi Jazǵy Olımpıada oıyndarynda Snýp Dogg NBCUniversal arnasynyń arnaıy tilshisi qyzmetin atqaryp, eń iri tulǵalardyń birine aınaldy jáne 2026 jylǵy Mılan men Kortınada qysqy Olımpıada oıyndarynda osy rólge oralady.

Eske sala ketsek, Halyqaralyq Olımpıada komıteti (HOK) 2026 jylǵy qysqy Olımpıada oıyndary kezinde kelisilgen matchtardy boldyrmaý úshin Adaldyqty qamtamasyz etý bóliminiń qurylǵanyn jarııalady.