Reper 50 myń dollar tólenetin erekshe jumys ornyn usyndy
ASTANA. QazAqparat - Reper Waka Flocka Flame erekshe jumys ornyn ashty. Ol ózine marıhýana shegý úshin oramany kásibı oraǵan adamǵa jylyna 50 myń dollar tólemekshi, dep jazady sheteldik BAQ.
Buzzfeed habarlaǵandaı, reper bul laýazymǵa óz sheberligin tanytqan, óz eńbeginiń nátıjesin #ICanRoll heshtegymen ınstagramǵa salatyn, ózine unaǵan kez kelgen adamdy jumysqa almaq.
Waka Flocka Flame-nyń kóptegen fanattary reperdiń usynysyna jaýap bere bastady, sondaı-aq Buzzfeed reper jumystyń jeńildikteri men artyqshylyqtary týraly aıtpaǵanyn atap ótti.
«Kásibı oraýshylar medıtsınalyq járdemaqy ala ma? Álde marıhýanaǵa shekteýsiz qoljetimdilikke ıe bola ma?» - osy suraq jýrnalısterdi qyzyqtyrýda.
Waka Flocka Flame BAQ-tyń nazaryn marıhýanaǵa degen qumarlyǵymen alǵash ret tartyp otyrǵan joq. 2011 jyly ol marıhýana saqtaǵany úshin tutqyndalǵan, alaıda bostandyqqa shyǵý úshin 31 950 dollar kepil tóleýge májbúr bolǵan.
