Rene Magrıttiń kartınasy 121,2 mln dollarǵa satyldy
ASTANA. KAZINFORM – Belgııalyq sıýrrealıst-sýretshi Rene Magrıttiń 1954 jyly salǵan «Jaryq ımperııasy» kartınasy Christie's aýktsıonynda 121,2 mln dollarǵa satyldy. Bul sýretshiniń jeke rekordy, dep habarlaıdy Kazinform The Wall Street Journal-ǵa silteme jasap.
Kartına negizinen 95 mln dollarǵa baǵalanǵan. Osy týyndysyn satý arqyly Magrıtt 20-dan az sýretshi kiretin elıtalyq klýbqa qosyldy. Kartınalary toǵyz tańbaly somaǵa satylǵan bul sýretshilerdiń qatarynda Pablo Pıkasso men Leonardo da Vınchı bar.
Sonymen qatar bul 2024 jyly sýretshilerdiń arasynda kartınasy aýktsıonda 100 mln dollardan astam somaǵa satylǵan birinshi jaǵdaı.
«Jaryq ımperııasy» - belgııalyq sýretshiniń 1949-1964 jyldar aralyǵynda salǵan kartınalar serııasynan. Onda sol sıýrrealdy kórinistiń varıatsııalary beınelengen. Qara túnekke malynǵan úı kúndizgi kók bulttyń fonynda salynǵan.
