Rembrandtyń 15 jyl buryn urlanǵan kartınasy tabyldy
ASTANA. QazAqparat - Frantsııada osydan 15 jyl buryn urlanǵan Rembrandtyń «Sabyn kópirshigimen oınaǵan bala» atty kartınasy tabyldy. Liberation basylymynyń habarlaýynsha, eki er adam atalmysh kartınany Nıtstse qalasynda satpaq bolǵan kezinde ustalǵan.
Atalmysh kartına Dragınıan qalasynda 1999 jyly qaladaǵy murajaıdyń birinen urlanǵan bolatyn. Murajaıdyń jetekshisi tárkilengen kartına mekemeniń múligi bolyp tabylatynyn rastady. Urlanǵan kezde onyń quny 20 mln.frankqa baǵalanǵan. Búgingi baǵamen eseptesek, 3,9 mln. eýro nemese 5,4 mln. dollar shamasynda bolmaq.
Alaıda, keıbir zertteýshiler tabylǵan sýrettiń Rembrandtqa tıesili ekenine kúmán keltirýde. Osyǵan oraı, dragınıandyq murajaıdyń mamandary kartınaǵa saraptama júrgizip, onyń avtoryn anyqtaýdy josparlap otyr. Sondaı-aq kartınanyń qaı kezde jáne naqty qaı kúni jazylǵany da belgisiz. Murajaıdyń tizimdemesinde shamamen 174 jylǵa deıin salynǵan dep tur. Al onyń murajaıda qaı ýaqyttan beri saqtalyp kele jatqany týraly naqty málimet joq.
