Relsten shyǵyp ketken júk vagony jolaýshylar poıyzdarynyń qozǵalys kestesin buzdy - TJM
ASTANA. Naýryzdyń 27-si. QazAqparat - Qostanaı oblysynda shoıyn joldan júk vagony shyǵyp ketti. Osynyń saldarynan jolaýshylar tasymaldaýshy poıyzdar birneshe saǵatqa kestelerinen kesheýildedi,
dep habarlady Qazaqstannyń Tótenshe jaǵdaılar mınıstrliginen.
Vedomstvo baspasóz qyzmetinen habarlaǵandaı, naýryzdyń 26-sy kúni keshki saǵat 7 jarymda Taran aýdany Apanovka-Prıtobolskoe ótkelinde №3465-shi júk poıyzynyń bir vagony relsten shyǵyp ketip, onyń saldarynan «Qostanaı-Almaty» baǵatyndaǵy №43-shi jolaýshylar poıyzy 2 saǵat 48 mınýtqa, №621-shi «Qostanaı-Arqalyq» poıyzy 1 jarym saǵatqa kidirýge májbúr boldy.
«Qurban bolǵandar men zardap shekkender joq. Naýryzdyń 27-si kúni saǵat 03.30-da jóndeý-qalpyna keltirý jumystary tolyq kólemde aıaqtaldy», - dep anyqtady baspasóz qyzmetinen.
Tótenshe jaǵdaı saldaryn joıýǵa 16 adam men Tobyl stansysynan 1 jóndeý poıyzy jumyldyryldy.
