Relstegi emhana. «Salamatty Qazaqstan» poıyzy shalǵaıdaǵy aýyldarǵa attandy
Poıyzdyń ishi emhanadaǵydaı jabdyqtalǵan. Kez kelgen medıtsına mekemesine kelgen adam, aldymen tirkeý bólimine barady. Munda da dál solaı. Terapevt, hırýrg, kardıolog, lor, pedıatr sııaqty qajetti mamandardyń jeke kabıneti bar. Tipti, arnaıy zerthana da qarastyrylǵan. Zertteý nátıjeleri 15 mınýttyń ishinde daıyn bolady.
Dárigerler brıgadasy halyqqa barlyq qyzmetti tegin kórsetedi. Poıyzda bıohımııalyq taldaýlar jasap, ishki aǵzalardy ýltradybystyq zertteýden ótkizýge múmkindik jasalǵan.
«Medıtsınalyq brıgadalar dıagnostıkalyq protsedýralar ǵana emes, sondaı-aq shaǵyn ambýlatorııalyq operatsııa da jasaıdy. Shalǵaı aýyl turǵyndary terapevt, hırýrg, jalpy tájirıbe dárigeri, nevropatolog, ýltradybystyq dıagnostıka dárigeri, akýsher, zerthanashy, meıirbıke, rentgenolog, sáýlelik dıagnostıka dárigeri, tis dárigeri, otolarıngolog, psıholog, okýlıst, gınekolog, mammolog jáne ýrolog mamanyna qarala alady. Medpoıyz qozǵalysynyń kestesi shalǵaı stantsııalarda medıtsınalyq pýnkterdiń joqtyǵy eskerile otyryp jáne azamattar men memlekettik organdardyń ótinishi negizinde ázirlendi», - deıdi «Samruk-Kazyna Trust» áleýmettik jobalardy damytý qorynyń bas dırektory Alfııa Adıeva.
Mamandandyrylǵan medıtsınalyq poıyz 8 vagonnan turady: medıtsınalyq vagondar, meıramhana, kýpe vagondary jáne dızeldi generator vagony. Dızeldi vagon elektr qýatymen qamtamasyz etedi.
«Jol serikter quramynda 14 adam bar. Onyń 11-i – jolserik, poıyz bastyǵy, elektromehanık jáne dızelıst. Eki brıgada 15 kún saıyn kezekshilikke túsedi», - deıdi poıyz bastyǵy Dúısen Ǵalymbekov.
Dárigerler 6 jeltoqsanǵa deıin oblys, aýdan ortalyqtarynan shalǵaı jerde ornalasqan 120 stantsııaǵa barady. Boljam baıynsha 75 myń adamǵa medıtsınalyq kómek kórsetiledi. Medıtsınalyq poıyzda 35 bilikti maman bar.
«Halyqty qabyldaý búginnen bastalady. Alǵashqy toqtaıtyn stantsııamyz – Qopa. Sońǵy beketke jospar boıynsha 6 jeltoqsan kúni baramyz. Bizde medıtsınalyq kómek kórsetýge barlyq jaǵdaı jasalǵan. Dárigerler adamdardy emdeýge, keńes berýge tolyq daıyn. Medıtsınalyq poıyz stantsııalarda 1-2 kún aıaldaıdy. Turǵyndardy qabyldaý jumys ýaqytynda júredi», - dedi dáriger Dana Nurjanqyzy.
Sondaı-aq, bıyl «Salamatty Qazaqstan» poıyzynda zańgerler keńes beredi.
«Áıelder isteri jáne otbasylyq-demografııalyq saıasat jónindegi ulttyq komıssııanyń bastamasymen alǵash ret, «Salamatty Qazaqstan» medıtsınalyq poıyzynyń jumysyna, azamattarǵa tıimdi psıhologııalyq, quqyqtyq ári medıatıvtik (tatýlastyrý) kómek kórsetetin kásibı jáne tájirıbeli medıatorlar men zańgerler tartyldy. Budan basqa, azamattardyń memlekettik áleýmettik qoldaý alý quqyǵyn qorǵaý, zeınetaqy, járdemaqy, áleýmettik tólem jáne ataýly áleýmettik kómek alý máseleleri boıynsha tegin keńes beriledi», - dedi «Samuryq-Qazyna» AQ kompanııa ókili.
«Samuryq-Qazyna» AQ qoldaýynyń arqasynda densaýlyq poıyzdarynyń shalǵaı stantsııalardyń turǵyndaryna joǵary bilikti medıtsınalyq kómek kórsetýi ıgi dástúrge aınaldy. Tek 2022 jyldyń qorytyndysy boıynsha 150-ge jýyq stantsııanyń 80 649 turǵyny emdik-keńes berý qyzmetin aldy. Onyń 21 867-si – bala. Al, 5 097 adamǵa shaǵyn ota jasaldy.
«Qyzmetimizdiń basty maqsaty – «Samuryq-Qazyna» kompanııalar toby kásiporyndary bar óńirlerge erekshe nazar aýdara otyryp, halyqtyń áleýmettik-ekonomıkalyq ómirin jaqsartý. Osy jyly 7 jobanyń ishinde densaýlyq saqtaý baǵytynda 590 mıllıon teńge bıýdjetpen «Medıtsınalyq poıyz» jobasyna basymdyq beriledi», - dep jetkizdi Alfııa Adıeva.
Buǵan deıin mańyzy zor aýqymdy áleýmettik jobanyń negizgi aqparattyq seriktesi QR Prezıdentiniń Teleradıokesheni ekenin jazǵan bolatynbyz.
