Rektorlardy konkýrstyq negizde taǵaıyndaý artyqshylyǵy qandaı – mınıstr túsindirdi
«Memleket basshysynyń Jarlyǵymen ulttyq JOO-nyń rektorlaryn taǵaıyndaý tártibi ózgerdi. Menińshe, bul mańyzdy sheshim. 2008 jyldan bastap ulttyq joǵary oqý oryndarynyń rektorlaryn QR Prezıdenti taǵaıyndap keldi. Bul sheshim sol kezdegi iri joǵary oqý oryndaryna basqarý jáne akademııalyq derbestik berý qajettiliginen týyndaǵan bolatyn. «Nazarbaev Ýnıversıteti» DBBU jumysynyń mysalynda ulttyq ýnıversıtetterdiń jumysyna Bilim jáne ǵylym mınıstrligi tikeleı aralaspaýdy kózdedi. Mundaı saıasat óz nátıjesin berdi», - dep jazady mınıstr Facebook-tegi paraqshasynda.
Degenmen, onyń paıymynsha, básekeniń joqtyǵy jáne «Prezıdent taǵaıyndaýy» mártebesi oqý ornynyń damýyna oń yqpalyn tıgizbeıdi. Sonymen qatar, ótken jyly Akademııalyq jáne basqarý derbestigi týraly zańnyń qabyldanýyna baılanysty barlyq joǵary oqý oryndary qosymsha ókilettikter men erkindikkke qol jetkizdi. Sol sebepti Memleket basshysy 2019 jyldan bastap ulttyq joǵary oqý oryndarynyń rektorlaryn konkýrstyq negizde taǵaıyndaý týraly sheshim qabyldady.
«Rektorlardy konkýrstyq negizde taǵaıyndaý nátıjesinde qandaı artyqshylyqtarǵa qol jetkizemiz? Birinshiden, ashyq konkýrs. Bul kezeńde rektor laýazymy kandıdatýrasy talaptaryna sáıkes keletin kez kelgen adam konkýrsqa qatysýǵa ótinish bere alady. Ekinshiden, aıqyndylyq. Barlyq kandıdattar tıisti JOO-nyń Baqylaý keńesinde áńgimelesýden ótedi. Úshinshiden, baǵdarlamalar saıysy men básekelestik. Budan ári, Bilim jáne ǵylym mınıstriniń tóraǵalyǵymen respýblıkalyq komıssııa úmitkerleri usynyp otyrǵan «Joǵary oqý oryndaryn damytý baǵdarlamalary» jobalaryn qarastyrady. Tórtinshiden, qoǵam aldyndaǵy jaýapkershilik», - dedi Ashat Aımaǵambetov.
