Rektorlar stýdentterdiń jaýyngerlik daıyndyǵyna tikeleı jaýapty bolý kerek - Prezıdent
«Áskerı bilim jáne ǵylym júıesin damytý – asa mańyzdy mindet. Áskerı akademııalar, ınstıtýttar álemdik standarttarǵa saı bolýǵa tıis. Osy saladaǵy joǵary oqý oryndarynyń materıaldyq bazasyn nyǵaıtý kerek. Sondaı-aq oqý baǵdarlamasyn zaman talabyna saı beıimdeý qajet», - dedi Qasym-Jomart Toqaev.
Sondaı-aq, Memleket basshysy áskerı mamandar daıarlaý úshin basqa da joǵary oqý oryndarynyń múmkindigin keńinen paıdalaný kerektigin atap ótti.
«Rektorlar stýdentterdiń jaýyngerlik daıyndyǵyna tikeleı jaýapty bolýǵa tıis. Áskerı qaýipsizdik máselesi ǵylymı tujyrymǵa súıenýi kerek. ıAǵnı, ǵylymı-zertteý jumysyna basymdyq berý qajet.
Áskerı oqý oryndary qorǵanys salasyndaǵy kásiporyndarmen tyǵyz baılanys ornatýy kerek. Qazirgi qaqtyǵystardyń sıpaty múlde bólek. Álemde gıbrıdti soǵys júrip jatyr. Sondyqtan Qarýly Kúshterdiń zııatkerlik qabiletin arttyrý – óte mańyzdy mindet. Bilim men tárbıe árdaıym birin-biri tolyqtyryp otyrýy qajet», - dedi Prezıdent.
Aıta keteıik, Astanada Memleket basshysynyń qatysýymen Búkilarmııalyq keńestiń otyrysy ótti.
Buǵan deıin Qorǵanys mınıstrligine qarasty oqý oryndary pedagogteriniń jalaqysy ósetini belgili bolǵan edi.
