Rektorlar saılaýyna kez kelgen adam qatysa alady - vıtse-mınıstr Sýxanberdıeva
ASTANA. QazAqparat - Búgin Astanada Respýblıkalyq jastar forýmynyń bilim berý salasyna arnalǵan pikirtalas alańynda Bilim jáne ǵylym vıtse-mınıstri Elmıra Sýxanberdıeva rektorlar saılaýy týraly aıtyp berdi, dep xabarlaıdy QazAqparat tilshisi.
«Máselen, keshe Qaraǵandy qalasynda baqylaýshy keńesiniń otyrysy ótti. Osy ýaqytqa deıin bizde rektorlardyń bes saılaýy boldy. Sol kezde úmitkerlerdiń kandıdatýralaryn joǵary oqý ornynyń janyndaǵy baqylaýshy keńester qarady. Atalǵan keńes kem degende eki-úsh úmitkerdi usynýy qajet. Olardy qupııa daýys berý arqyly tańdaıdy. Sosyn barlyq qujattar respýblıkalyq komıssııanyń qaraýyna jiberiledi», - deıdi E.Sýxanberdıeva.
Vıtse-mınıstrdiń aıtýynsha, respýblıkalyq komıssııanyń otyrystary Astanada ótip turady. Úmitker ózi basqarǵysy keletin joǵary oqý ornyn damytý baǵdarlamasyn tanystyryp, birneshe suraqqa jaýap berýi tıis. Osydan keıin Premer-Mınıstrdiń orynbasary Imanǵalı Tasmaǵambetovtyń tóraǵalyǵymen respýblıkalyq komıssııa óz sheshimin shyǵarady.
«Sondyqtan osy jerde otyrǵan kez kelgen adam rektorlyq úshin talasa alady. Árıne, ol úshin ǵylymı dáreje kerek. Sosyn joǵary oqý ornyn damytýdyń strategııalyq baǵdarlamasyn durys ári kásibı túrde qorǵaı bilý kerek. Ol jerde búgingi ǵylymı-texnologııalyq jańalyqtar da kórinis tabýy shart. Biz soǵan basa nazar aýdaramyz», - deıdi E.Sýxanberdıeva.
