Rektor London Olımpıadasyna lıtsenzııa jeńip alǵan stýdent- sportshylarmen kezdesti
ASTANA. 19 sáýir. QazAqparat - S.Seıfýllın atyndaǵy Qazaq agrotehnıkalyq ýnıversıtetiniń rektory Aqylbek Kúrishbaev London Olımpıadalyq oıyndaryna joldamalardy jeńip alǵan ýnıversıtettiń «boksshy» stýdentterimen kezdesti.
Bul týraly oqý ornynyń baspasóz qyzmetinen habarlady.
Eske salaıyq, Londonda ótetin XXX Jazǵy Olımpıadalyq oıyndarǵa joldamalar sarapqa salynǵan bokstan AIBA Azııalyq olımpıadalyq irikteý týrnıri 12 sáýir kúni Astana qalasynda ótti.
Qazaqstannyń ulttyq quramasy sapynda el namysyn qorǵaıtyn sportshylar - ekonomıkalyq fakýltettiń 3-kýrs stýdenti Danııar Eleýsinov (64 keli salmaq dárejesinde) jáne agronomııa fakýltetiniń 3-kýrs stýdenti Іlııas Súleımenov (52 keli). Olımpıada oıyndaryna elimizden barlyǵy 9 boksshy qatysady.
Kezdesý barysynda rektor A.Kúrishbaev sportshylardyń irikteý oıyndary kezindegi ónerlerine tánti bolǵanyn jáne London Olımpıadalyq oıyndary kezinde de negizgi jankúıerleri bolatynyn aıtty. Sondaı-aq olımpıadalyq sharshy alańda altyn medaldi qanjyǵalaryna baılap qaıtýǵa tilektestigin bildirdi.
