Rekrýgtıngtik agenttikterge zańnamalyq deńgeıde esep berý mindetteledi
ASTANA. QazAqparat - QR Eńbek jáne halyqty áleýmettik qorǵaý mınıstri Mádına Ábilqasymova rekrýgtıngtik agenttikter qyzmetiniń tıimdiligin kúsheıtýge baǵyttalǵan usynys engizdi, dep habarlaıdy QazAqparat.
«Igerý tıimdiligine qatysty agenttikter úshin ereje aıasynda qyzmet tıimdiliginiń naqty kórsetkishterin bekitý mańyzdy bolady dep sanaımyz. Eń aldymen bul naqty eńbek kelisimshartymen bekitiletin jumysqa ornalasý normasy bolady. Bul zańdy uzaqmerzimdi eńbek qyzmeti. Ol mindetti zeınetaqy aýdarymdarymen rastalyp otyrady. Málimetter baza arqyly atalǵan aýdarymdardyń júıeliligin qadaǵalaı alamyz», - dedi ol Májilistiń jalpy otyrysynda.
Mınıstrdiń usynysyna sáıkes, eńbek tólemi qyzmet nátıjesi boıynsha eseptelinedi.
«Qazir aı saıynǵy nemese belgili bir kezeńniń aıaqtalýy boıynsha dep birneshe nusqany qarastyrylyp jatyrmyz. Álemdik tájirıbede uzaq eńbek qyzmetiniń kezeńi 3 aıdan 1-2 jylǵa deıin sanalady», - dedi M.Ábilqasymova.
Eńbek mınıstriniń bul usynysyn Májilis Tóraǵasy Nurlan Nyǵmatýlın da qoldady.
«Siz aıtyp otyrǵan jaıt óte durys. Biraq, bul zańnan týyndaýy tıis. Zań jobasynda ondaı eshteńe joq. Biz retteý jaıynda aıtqan kezde tikeleı zań normasy bolýy tıis. Aýtsorsıng kelisimsharttary naqty kórsetkishterdi qamtýy tıis degen normany zań jobasynda qarastyrýymyz qajet shyǵar jáne jeke fırmalar olardyń oryndalýyn qamtamasyz etýi kerek ári soǵan sáıkes olardyń jaýapkershiliginiń bolǵany jón», - dedi Nurlan Nyǵmatýlın.
Sonymen qatar, ol Eńbek jáne halyqty áleýmettik qorǵaý mınıstrliginiń quziretine aýtsorsıngtiń úlgilik kelisimshartyn ázirleý jáne bekitýdi usyndy.
«Bıýdjetten úlken qarjy qarajaty qarastyrylatyn bolady. Adamdar naqty nátıjeni sezine alatyn bolýy kerek. Bul normany zańda mindetti túrde jazý qajet», - dedi Májilis spıkeri.
