Rekordtyq kórsetkish: qor naryǵynda dollar baǵamy 12,58 teńgege qymbattady

ALMATY. KAZINFORM — Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti.

KASE qor naryǵyndaǵy kúndizgi saýda qorytyndysy boıynsha, dollar baǵamy 12,58 teńgege qymbattady. Bir AQSh dollarynyń ortasha baǵamy — 513,00 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 512 teńgeden satylyp jatyr, satyp alý baǵamy — 522 teńge. Eýro 540 — 546 teńge aralyǵynda qubylyp tur.

Al, Astana qalasy boıynsha dollardy satý baǵamy — 514 teńge, satyp alý quny — 520 teńge. Eýro 538 teńgeden satylyp, 545 teńgeden satyp alynady. Dál qazirgi ýaqytta aqsha aıyrbastaý oryndarynda Reseı valıýtasy 4,65-4,80 aralyǵynda saýdalanyp jatyr.

Ulttyq banktiń 28 qarashaǵa arnalǵan resmı baǵamy — 1 dollarǵa 499,51 teńge. Reseı rýbliniń ortasha saralanǵan quny — 4,62 teńge. Eýro — 525,83.

Ulttyq bank teńge baǵamyn turaqtandyý úshin ınterventsııa júrgizgenin málim etti. 

Osyǵan deıin QR Ulttyq banki tóraǵasynyń orynbasary Vıtalıı Týtýshkın dollar baǵamynyń 600 teńgege deıin ósýi múmkin be degen suraqqa jaýap berdi.