Rekord: Parıj olımpıadasyna 8,8 mıllıon bılet satyldy
ASTANA. KAZINFORM – Parıj olımpıadasyna 8,8 mıllıon bılet satyldy. Rekordtyq kórsetkish týraly jańalyqty jýrnalısterge Halyqaralyq olımpıada komıtetiniń sport dırektory Kıt Makkonnell habarlady.
«8,8 mıllıonnan astam bılet satyldy — bul keremet san, Frantsııadaǵy sporttyq is-sharanyń eń joǵary kórsetkishi», — dep túsindirdi ol.
Mundaı satylymdar osy ýaqytqa deıin Olımpıadanyń rekordy bolyp sanalady. Buǵan deıin eń kóp bıletter 1996 jyly Atlantadaǵy oıyndarǵa satylǵan. Ol kezde sport súıer qaýym 8,3 mıllıon bılet alǵan. Oıyndarda qaýipsizdikti qamtamasyz etý úshin ártúrli qyzmetterdiń 30 myńǵa jýyq qyzmetkeri jumyldyrylyp, Olımpıada qalashyǵynda 166 delegatsııa tirkelgen.
Olımpıadaǵa Qazaqstan atynan 80 sportshy qatysady. Parıjdegi jazǵy Olımpıada oıyndary 2024 jyldyń 26 shildesi men 11 tamyzy aralyǵynda ótedi.
