Rekord: Messı álem chempıonattaryndaǵy Pele men Mbappeniń jetistigin jańartty
ASTANA. KAZINFORM — Argentına quramasynyń kapıtany Lıonel Messı Kabo-Verdege qarsy ótken álem chempıonatynyń 1/16 fınalyndaǵy matchta taǵy bir tarıhı jetistikke qol jetkizdi, dep habarlaıdy Sports.kz.
Kezdesýdiń 29-mınýtynda esep ashqan Messı álem chempıonattarynyń pleı-off kezeńindegi nátıjeli áreketter sanyn 12-ge jetkizdi. Onyń enshisinde endi alty gol jáne alty nátıjeli pas bar.
Opta statıstıkasyna sáıkes, bul — 1966 jyldan bergi eń úzdik kórsetkish. Osylaısha, Messı buǵan deıin 11 nátıjeli áreketpen (alty gol jáne bes nátıjeli pas) kósh bastap turǵan ańyzǵa aınalǵan Pele men Frantsııa quramasynyń shabýylshysy Kılıan Mbappeni basyp ozdy.
Sonymen qatar bul gol Messı úshin álem chempıonaty-2026 týrnırindegi jetinshi, al álem chempıonattary tarıhyndaǵy 20-gol boldy. Sondaı-aq Argentına quramasynyń kapıtany álem chempıonattaryndaǵy segizinshi match qatarynan gol soǵyp otyr.
Eske sala ketsek, Argentına quramasy Kabo-Verdeni jeńip, álem chempıonatynyń 1/8 fınalyna shyqty.
