Rekord: Anglııada fýtbol matchy 58:0 esebimen aıaqtaldy
ASTANA. 26 naýryz. QazAqparat - Anglııanyń "Ýıl Paýer" (Wheel Power FC) fýtbol klýby bir kezdesýdiń barysynda "Nova-2010" qarsylasynyń qaqpasyna 58 dop kirgizip,
jańa rekord ornatty, dep habarlaıdy massaget.kz saıty.
The Daily Mail agenttigi habarlaǵandaı, mundaı "jemisti" oıyndy Anglııa tarıhy buryn-sońdy kórmegen.
Kezdesý jeksenbi kúni Torkıı qalasynyń mańynda, Torbıı lıgasy aıasynda "Ýıl Paýer" komandasynyń alańynda ótken bolatyn. Bir aıta ketetini, eki fýtbol klýby da áýesqoı deńgeıde óner kórsetip júr.
"Nova-2010" fýtbol klýbynyń osyndaı eseppen jeńilgenin jasyl alańǵa komanda tarapynan bes-aq fýtbolshy shyqqanymen túsindirýge bolady. "Nova-2010"-nyń ár fýtbolshysyna eki adamnyń kúshin salýǵa týra keldi. Keıin komandaǵa belgisiz taǵy 4 adam qosyldy. Mundaı "kómek" esh nátıje bermedi. Komanda orta eseppen ár bir jarym mınýt saıyn qaqpaǵa bir gol jiberip otyrdy. Eki komanda úziliske 20:0 esebimen ketti.
Ekinshi taımda taqtada 50:0 esebi kóringende, "Nova-2010"-nyń fýtbolshylary tóreshiden oıyndy toqtatýdy surady. Biraq, tóreshi bul jaǵdaıda aıyppul salynatyndyǵyn aıtyp, oıyndy sońyna deıin aıaqtaýdy talap etti.
Aıta keterligi, "Ýıl Paýer" komandasynyń da quramy tolyq emes edi. Olar alańǵa 10 fýtbolshymen ǵana shyqqan bolatyn. Bir qyzyǵy "Ýıl Paýerdiń" namysyn qorǵap júrgen aǵaıyndy Robbı men Stıýart Baýkerler 28 gol soqqan.
