Rekord: Almaty mýzeılerine 2024 jyly 300 myń adam kelgen

ALMATY. KAZINFORM - Almaty mýzeıleriniń tabysy ótken jyly 85 mıllıon teńgeden asty.

«Almaty qalasy mýzeıler birlestigi» dırektory Lıazzat Saǵyndyqovanyń aıtýynsha, 2024 jyly Almaty qalasynyń Mádenıet basqarmasyna qarasty murajaılarǵa 309 956 adam kelgen.

Al kirý bıletterin satýdan qalalyq murajaılar 85 mıllıon teńgeden astam tabys tapty. Budan bir jyl buryn tabys - 60 000 000 teńge bolǵan edi.

- Almaty - elimizdiń oqýshylary qalalyq murajaılarǵa tegin barýǵa múmkindik alǵan Qazaqstandaǵy alǵashqy qala boldy. Byltyr qala ákiminiń sheshimi boıynsha iske asyrylǵan bul bastama mádenı tárbıe men bilim berý úderisin damytýdaǵy mańyzdy qadam boldy. Bir jyl ishinde Almaty mýzeılerine 85 019 oqýshy keldi, - dedi «Almaty qalasy mýzeıler birlestigi» dırektory Lıazzat Saǵyndyqova.

Eske salaıyq, buǵan deıin Almaty halyqaralyq áýejaıynda Avıatsııa murajaıy ashylǵanyn jazǵanbyz.