Rekord: 2024-2025 oqý jylynda 400 myńǵa jýyq oqýshy orny ashyldy

ASTANA. KAZINFORM – Bıylǵy oqý jylynda elimizde bir jyl ishinde rekordtyq kórsetkish – 400 myńǵa jýyq oryndy qamtyǵan 257 jańa mektep ashyldy. Olardyń qatarynda «Jaıly mektep» ulttyq jobasy aıasynda salynǵan alǵashqy zamanaýı bilim ordalary da bar. Bul týraly Oqý-aǵartý mınıstrligi málimdedi. 

Nátıjesinde, sońǵy eki jylda úsh aýysymdy mektepterdiń sanyn 3 esege deıin qysqartýǵa qol jetkizildi. Sonymen qatar myńdaǵan aýyl mektebine jańǵyrtý jasalyp, qoldanystaǵy mektepter kúrdeli jóndeýden ótti jáne 1700-ge jýyq mektepte robototehnıka, hımııa, bıologııa, fızıka jáne STEM-pánder boıynsha zamanaýı pándik kabınetter jabdyqtaldy.

Kelesi kezeńde mektep ınfraqurylymyn birtutas zamanaýı formatqa kóshirý úshin jańartý jumystary bastalady.

Memleket basshysynyń tapsyrmasyna sáıkes, aldaǵy úsh jyl ishinde 1 231 mektepti renovatsııalaý josparlanyp otyr. Olardyń jartysynan kóbi aýyldyq jerlerde ornalasqan.

Aıta keteıik, bıyl Qazaqstan boıynsha 3 908 450 bala oqý jylyn aıaqtaıdy.