«Reketır-2» fılminiń kórsetilimi 28 mamyrda bastalady
ASTANA. QazAqparat - Rejısser Aqan Sataev sońǵy on jyldaǵy qazaqstandyq fılmderdiń arasynda úzdik atanǵan «Reketır» fılminiń ekinshi bóligin túsirip bitti. Onyń eldegi kınoteatrlardaǵy alǵashqy kórsetilimi 28 mamyrda bastalady. Bul týraly fılmge túsken aktrısalardyń biri Arýjan Jazylbekova óziniń Instagram-daǵy paraqshasynda habarlady.
«Tanymal dramanyń jalǵasy 28 mamyrdan bastap barlyq kınoteatrlarda kórsetiledi», - dep jazady aktrısa.
Kınonyń túsirilimi Almaty, Astana jáne Qaraǵandy qalalarynda ótti. Basty keıipkerlerdiń rólderin Saıat Isembaev, Ásel Saǵatova, Jan Baıjanbaev, Farhad Ábdiraıymov, Dasten Shákirov, Aıan Ótepbergen, Arýjan Jazylbekova men Maksım Akbarov somdady.
Eske sala keteıik, «Reketırdiń» alǵashqy fılmi 2007 jyly jaryqqa shyqty. Fılm toqsanynshy jyldary bandylarǵa qosylyp ketken jas boksshy Saıan Bekkárimov týraly baıandaıdy.
