Reformalarda pedagogtardyń naqty qajettilikteri esepke alynbaıdy - Toqaev
NUR-SULTAN. QazAqparat - Usynylatyn reformalarda pedagogtardyń naqty qajettilikteri esepke alynbaı jatady. Bul týraly búgin Tamyz konferentsııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Bilim sapasyn kóterý úshin keshendi sharalar qabyldaý qajet. Bul aldymen muǵalimderdiń biliktilikterine, oqýlyqtardyń sapasyna, zaman talabyna saı ınfraqurylym jáne materıaldyq qorǵa baılanysty máseleler. Atalǵan baǵyttar boıynsha tıimdi jumys isteý qajet. ıAǵnı, týyndaǵan máselelerdi der kezinde anyqtap, olardy sheshýdiń ońtaıly joldaryn usyný kerek», - dedi Memleket basshysy.
Qazaqstan Prezıdenti bilim berý júıesiniń sapasyna teris yqpal etetin taǵy bir kedergi usynylatyn reformalarda pedagogtardyń naqty qajettilikteriniń esepke alynbaıtyny ekendigine nazar aýdartty.
«Búginde muǵalimderdi kásibı turǵydan damytý Bilim jáne ǵylym mıınıstrliginiń salalyq qurylymdary ótkizetin kýrstarmen jáne semınarlarmen shekteledi. Mundaı sharalardyń qajet ekendigi túsinikti. Degenmen, atalǵan kýrstarda muǵalimder qaýymyn tolǵandyratyn ózekti máseleler nazarǵa alynbaı qalady», - dedi Qasym-Jomart Toqaev.
