Reformalar turaqty damýǵa bastaıtyn qadam bolýy shart - Toqaev

NUR-SULTAN. QazAqparat - Reformalar eldi dúrbeleńge salatyn emes, turaqty damýǵa bastaıtyn qadam bolýy shart. Bul týraly búgin Ulttyq qoǵamdyq senim keńesiniń ekinshi otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Jeke kezdesýler barysynda kóptegen másele boıynsha naqty jumystar jasaldy. Solardyń kópshiligine qatysty oń sheshim qabyldandy jáne barlyǵy Ulttyq keńes hatshylyǵynyń baqylaýyna alyndy. Áleýmettik saladaǵy jumystarmen qatar saıası júıeni reformalaý jáne jańǵyrtý máselesi kópshiliktiń nazarynda», - dedi Memleket basshysy.

Qazaqstan Prezıdenti bılik buǵan qatysty syndardy dıalog ornatýǵa múddeli ekendigin aıtty.

«Osy oraıda biz Ulttyq keńes músheleriniń usynystarynan bólek memleket tarapynan da tyń bastamalar kóterip jatyrmyz. Barlyq usynystardy talqylaı otyryp, ortaq paıymǵa kelemiz dep senemin. Eń bastysy reformalar eldi dúrbeleńge salatyn emes, turaqty damýǵa bastaıtyn qadam bolýy shart», - dedi Qasym-Jomart Toqaev.