Reformalar ońtaıly júzege asyrylýy úshin memlekettik apparatqa halyq senimi artýy qajet - Jazyqbaev
Al saıası senimnen aıyrylǵan qyzmetshiler jumystan shyǵarylsa, óńirlerge rotatsııa arqyly qyzmetke baratyn qyzmetshilerge birqatar qolaıly jaǵdaı jasalady. Memlekettik qyzmet salasyndaǵy osy jáne ózge de jańalyqtar Memlekettik qyzmet isteri agenttiginiń 2022 jylǵy jumys qorytyndysy men aldaǵy kezeńge basymdyqtardy aıqyndaýǵa arnalǵan keńeıtilgen alqa otyrysynda belgili boldy.
Memlekettik qyzmette qandaı ózgerister bolady
Іs-shara barysynda Memlekettik qyzmet isteri agenttiginiń tóraǵasy Darhan Jazyqbaev ótken jyly atqarylǵan jumystarǵa jan-jaqty toqtalyp ótti.
«Adam memleket úshin emes, adam úshin» formýlasyn ustaný qajettigin Memleket basshysy erekshe atap ótken bolatyn. Azamattardyń ál-aýqatynyń artýy - memlekettik apparat jumysy tıimdiliginiń negizgi kórsetkishi. Bul qaǵıda barlyq memlekettik organnyń, árbir memlekettik qyzmetshiniń jumysynda negizgi ustanym bolýy tıis. Elimizde júrgizilip jatqan reformalardyń ońtaıly júzege asyrylýy úshin memlekettik apparatqa degen halyqtyń senimi artýy qajet. Bizdiń atqarǵan jumystarymyz Memleket basshysy qoıǵan mindetterdi tolyqqandy júzege asyrý jáne halyqqa shynaıy, adal, ashyq qyzmet kórsetetin, bıýrokratııaǵa jol bermeıtin servıstik sıpattaǵy memlekettik apparat qalyptastyrý baǵytynda júrgizildi», – dedi Darhan Jazyqbaev.
Osy oraıda agenttik tóraǵasy Memleket basshysynyń memlekettik qyzmetke kirýde artyq kedergilerdi joıý jáne memlekettik qyzmetten shyǵý tártibin jeńildetý týraly tapsyrmasyna sáıkes jańa tásilder ázirlenip, Memlekettik qyzmet týraly zańǵa qajetti túzetýler engizilgenine toqtaldy.
«Birinshiden, memlekettik grantpen oqý oryndaryn aıaqtaǵan úzdik túlekter aýdan men aýylda tómengi laýazymdarǵa konkýrstyq irikteýsiz tikeleı taǵaıyndalatyn bolady. Bul bilikti jastardy memlekettik qyzmetke yntalandyrýǵa, jas mamandardyń aýdan men aýyldyq aımaqtarǵa oralýyna, sonymen qatar óńirlerdegi kadr tapshylyǵyn azaıtýǵa septigin tıgizip, memlekettik qyzmetke kirýdi jeńildetedi. Ekinshiden, «B» korpýsynyń joǵary laýazymdaryna agenttiktiń kelisimimen konkýrstyq irikteýsiz tikeleı taǵaıyndaý múmkindigi berilip otyr. Bul birinshi basshylardyń óz qyzmetshileri úshin jaýapkershiligin arttyrady. Úshinshiden, eki toqsan boıy tıimsiz dep baǵalanǵan qyzmetshilerdiń laýazymy tómendetiledi, al tómengi bos laýazym bolmaǵanda – qyzmetten shyǵarylady. Bul apparatty tıimsiz memlekettik qyzmetshilerden bosatýǵa yqpalyn tıgizip, memlekettik qyzmetten shyǵý tártibin jeńildetedi», - dedi ol.
Sonymen qatar Darhan Jazyqbaev memlekettik qyzmetti jetildirý jóninde zań jobasyn ázirlep, Parlamenttiń qaraýyna engizilgenine jáne onyń negizgi normalaryna toqtaldy.
Onyń atap ótýinshe, zań qabyldanǵannan keıin Prezıdent sheshimimen saıası qyzmetshilerdi «senim joǵaltýyna» baılanysty jumystan shyǵarý múmkindigi engiziledi. Mundaı sebeppen shyǵarylǵan qyzmetshi memlekettik qyzmetke úsh jyl boıy qaıtyp kele almaıtyn bolady. Ózge óńirge rotatsııalanǵan qyzmetshige úı jaldaýǵa tólem engiziledi. Bul qyzmetshilerdi óńirlerge rotatsııalanýǵa yntalandyrady. Memlekettik organdarǵa naqty bir jobany atqarý úshin ýaqytsha shelisimshart boıynsha jumyskerdi alýǵa múmkindik beriledi. Mundaı jumyskerler memlekettik laýazymdardy atqarmaıdy jáne belgilengen ýaqytqa ǵana alynatyn bolady. Bul jańashyldyq Memlekettik basqarýdy damytý tujyrymdamasyna saı engizilýde. Sonymen qatar memlekettik qyzmetshilerdiń jumys ýaqyty rejıminiń saqtalýy retteletin bolady. Memlekettik organdardyń jumys ýaqyty rejıminiń saqtalýyna monıtorıng júrgiziledi.
«Memlekettik organdardaǵy basqarýshy jáne atqarýshy laýazymdar sany retteledi. Qazirgi kezde, keıbir memlekettik organdarda bir ne eki qyzmetshiden qurylǵan bólimsheler bar. Bizdiń maqsatymyz – memlekettik organdardyń ońtaıly jáne tıimdi qurylymyn qalyptastyrý», - dedi ol.
Agenttik basshysy Ádep jónindegi keńesterde qaralǵan tártiptik isterdiń sanynyń tómendeý tendentsııasy baıqalatyndyǵyn atap ótti. Máselen, 2021 jylmen salystyrǵanda byltyr qozǵalǵan isterdiń sany 29 paıyzǵa azaıǵan. Jyl qorytyndysy boıynsha keńes usynymdarynyń oryndalýy 97 paıyzdy qurady.
«Agenttiktiń úılestirýimen ádep jónindegi ýákilder tarapynan aýqymdy túsindirme jumystary atqarylyp, 20 myńnan astam azamat pen qyzmetshige jeke konsýltatıvtik kómek kórsetildi. Baqylaý jumystary boıynsha 753 tekserý júrgizilip, 16 myńnan astam buzýshylyq anyqtalyp, zańsyz aktilerdiń kúshin joıý týraly 493 usynym jáne uıǵarym engizildi», - dedi Darhan Jazyqbaev.
Onyń atap ótýinshe, 2022 jyly agenttik memlekettik apparattyń qyzmetin bıýrokratııadan aryltý baǵytynda densaýlyq saqtaý, bilim berý, eńbek, áleýmettik qorǵaý salalarynda taldaý júrgizilip, nátıjesinde memlekettik apparattyń jumysyn meılinshe adamǵa baǵdarlanǵan servıstik sıpatta qalyptastyrýǵa, bıýrokratııalyq kedergilerdi azaıtýǵa baǵyttalǵan 183 usynys ázirledi. Buǵan qosa, jalpy memlekettik organdardyń jumysynda kóp kezdesetin ishki ákimshilik rásimderine keshendi monıtorıng júrgizildi.
«Bul jumysqa ártúrli sala mamandarynan, azamattyq qoǵam ókilderinen jáne sarapshylardan quralǵan jalpy sany eki myńǵa jýyq adam qatysty. 2023 jyly qarjy-ekonomıkalyq salasyna taldaý júrgizý josparlanýda», – dedi agenttik tóraǵasy.
Jastarǵa prezıdenttik kadr rezerine kirý múmkindigi beriledi
Agenttik basshysynyń aıtýynsha, bıyl prezıdenttik jastar kadr rezervine kezekti irikteý ótedi.
«Qazirgi kezde elimizdiń eń mańyzdy salalarynda – densaýlyq saqtaý, energetıka, bilim berý baǵytynda jumys isteıtin rezervshilerdiń sany óte az. Bul rette, rezervshilerdiń salalyq toptaryn qaıta qarastyramyz. Úmitkerlermen áńgimelesý mindetti túrde salalyq ortalyq organnyń qatysýymen ótkizý josparlanýda», – dedi ol.
Sondaı-aq onyń atap ótýinshe, agenttik Prezıdenttik jastar kadr rezervin jetildirý boıynsha únemi jumys júrgizip keledi. Jeltoqsan aıynda qabyldanǵan Rezervten shyǵý tártibin bekitetin Jarlyqqa sáıkes óz erkimen, ózge eldiń azamattyǵyn alǵan, Qazaqstannyń azamattyǵyn joǵaltqan, jumystan teris sebepter boıynsha shyqqan ókilder rezervten shyǵarylady. Prezıdenttik jastar kadr rezervimen qatar bıyl agenttik óńirlerge talantty jastardy barynsha tartýǵa den qoıyp otyr.
«Óńirdegi jastarǵa áleýmettik lıftti qamtamasyz etý úshin respýblıkanyń barlyq aımaqtarynda óńirlik jastar kadr rezervterin qurýdy josparlap otyrmyz», – dedi Darhan Jazyqbaev.
Al Memlekettik qyzmet isteri agenttigi tóraǵasynyń orynbasary Azamat Jolmanovtyń atap ótýinshe, birinshi irikteýde 300 adam, ekinshisinde 50 adam iriktep alyndy. Olardyń ishinde búginge deıin 258 adam jumysqa ornalasty. 23-i saıası memlekettik qyzmette, 10-y «A» korpýsynda laýazymdy qyzmet atqarady. Sondaı-aq ol bıylǵy irikteý naqty salalar boıynsha júrgiziletindigin basa aıtty.
birinshi rezervti jınaǵanda salalar boıynsha naqty talap qoıylǵan joq. Demek, birinshi, ekinshi rezervti ámbebap mamandardy kóp jınadyq. Endi úshinshi rezervte salalardyń qajettiligi boıynsha irikteý máselesi tur. Ol energetıka, bilim berý, ІT-mamandyǵy syndy salalardyń mamandary bolýy tıis. ıAǵnı, osy naqty 8 sala boıynsha memlekettik organdardyń qajettiligine mamandar irikteledi», - dedi tóraǵa orynbasary.
Foto: gov.kz
