Reforma Qazaqstan basshysyna ózge strategııalyq baǵyttarmen aınalysýǵa múmkindik beredi - sarapshy

ASTANA. QazAqparat - Bılik tarmaqtary arasyndaǵy ókilettikterdi qaıta bólý Qazaqstan basshysyna ózge de strategııalyq baǵyttarmen jáne eldiń damý máselelerimen aınalysýǵa múmkindik beredi. 

Mundaı pikirdi QazAqparattyń  Máskeýdegi arnaýly tilshisi Medet Ahmetovke belarýs ǵalym-ekonomısi, ekonomıka ǵylymdarynyń doktory, Belarýs memlekettik ýnıversıteti halyqaralyq qatynastar fakýltetiniń professsor Leonıd Davydenko bildirdi.

«Nursultan Nazarbaev Úkimet pen Parlament arasynda óz ókilettiginiń bir bóligin qaıta bólýdi júrgizýi durys ári tıimdi. Ol ózge strategııalyq baǵyttarmen aınalysyp, eldiń mańyzdy máselelerin retteýge múmkindik alady», - dedi belarýs sarapshysy.

Bul rette ol Úkimet pen Parlament ózderine júktelgen qosymsha qyzmetterdi tolyqqandy atqara alatyndyǵyna senimdi ekendigin basa aıtty.

«Bul rette  bılik organdary (QR Úkimeti men Parlamenti  avtor eskertýi) ózderine júktelgen qosymsha qyzmetterdi tolyqqandy atqaratyn bolady», - dedi Davydenko.