Referendýmnyń negizgi maǵynasy QR Tuńǵysh Prezıdentiniń saıası murasyn ulttyq elıtanyń keleshek býynyna tapsyrý bolyp tabylady - Reseı sarapshysy A. Vlasov
ASTANA. 11 qańtar. QazAqparat /Qanat Mámetqazyuly/ - Prezıdenttiń ókilettigin uzartý jónindegi referendýmnyń negizgi maǵynasy QR Tuńǵysh Prezıdentiniń saıası murasyn ulttyq elıtanyń keleshek býynyna tapsyrý bolyp tabylady.
Búgin Astanada «Postkeńestik damýdyń 20 jyldyǵy: nátıjeler men jańa úrdister» atty taqyrypta ótken Eýrazııalyq sarapshylar jıyny barysynda M.V. Lomonosov atyndaǵy MMÝ postkeńestik keńistiktegi qoǵamdyq-saıası úderisterdi zertteý jónindegi Aqparattyq-saraptamalyq ortalyǵynyń dırektory Alekseı Vlasov osylaı málim etti.
«Qazaqstan basshylyǵy qabyldap jatqan ındýstrııalyq-ınnovatsııalyq damý baǵdarlamasy, saıası jańǵyrýdyń jańa formaty óz-ózin aqtap jatqan naqty sharalar. Al búgingi kúni Qazaqstanda ǵana emes, Reseıde de, batys elderinde de tyń taqyrypqa aınalǵan referendým máselesi, bázbir oppozıtsııalyq basylymdar jazyp júrgenindeı, prezıdenttik basqarý formasynyń 20 jyldyǵyna arnalǵan «syılyq» emes. Bul Qazaqstan memlekettiliginiń bolashaq damýyna júıeli áser etetin asa mańyzdy qadam. Bunyń basty maǵynasy men máni eldiń Tuńǵysh Prezıdenti - Ult kóshbasshysynyń saıası murasyn ulttyq elıtanyń bolashaq býynyna evolıýtsııalyq jolmen jetkizýdi qamtamasyz etý bolyp tabylady. Al onyń ózi kóptegen onjyldyqtarǵa deıin jetip artylatyn úlken aýqymdaǵy qor», - dedi A. Vlasov.
Onyń aıtýynsha, el damýynyń bolashaǵyn anyqtaǵan 2030 - strategııasynyń ózi Jańa Qazaqstannyń jarqyn kórinisi bola alady.
